To view this page ensure that Adobe Flash Player version 9.0.0 or greater is installed.

Powered by FlipBook Creator

Naa preyasi

నా కనులకు కనువిందు చేసి
నా యదలో సుధలు నింపి
మాటైనా మాటాడక
మనలేని మనిషిగా మార్చావు
తీయటి ఙ్ఞాపకాల గాయాన్నే మిగిల్చావు

అందని ఓ తారకలా,అందమైన కలలా
ఎడారిలో మావిలా,నిండు జాబిలి రేయిలా
నడిపించె ఆశవై, కనిపించని శ్వాసవై
మనలేని మనిషిగా మార్చావు
తీయటి ఙ్ఞాపకాల గాయాన్నే మిగిల్చావు

ఈ కట్టె కాలినా,నా కల ఆగదు
ఉసురు పోయినా,నీ ఊసుమానుదు
ఇకపై నా ప్రేమగెలువదు,నీపై నా ఆశ చావదు
మనలేని మనిషిగా మార్చావు
తీయటి ఙ్ఞాపకాల గాయాన్నే మిగిల్చావు

ధైర్యం

కనేటప్పుడు అమ్మకు తెలియదు
పుట్టేటప్పుడు బిడ్డా అడగడు
పెరిగేటప్పుడు నాన్నైనా తెలుపడు
ఏనాటి పాపమో ఈనాటి శాపమైతే
మనసెరిగిన మగువ మనువాడే సమయానికి
జాతకాల నలుపు ఓ మనిషినే అంటితే
విధాత రాసిన ఆ రాతకు విలపించేదెందుకు
విడదీసిన ఈ విధిని నిందించేదెందుకు
తన ప్రేమ నిజమైతే దరి చేరదా ఒకనాటికి
తనకై అలుపెరుగక వేచి చూస్తుంటాడు ఏనాటికీ

ఆనందం

రాగాల కోయిల గొంతు మూగబోయినట్లు
కొడిగట్టిన దీపం మసకబారినట్లు
చిగురించే చిరుకొమ్మల ఆకులు రాలినట్లు
జీవితాన అలుపెరుగని నాకు....
నా చివరి మజిలీ తలుపులు తెరుచుకున్నట్లు
నా చితిమువ్వల సవ్వడులే వినబడుతున్నాయి
నా కాటి కాపురాల కథలే కనబడుతున్నాయి
నా స్నేహితులే నా కాడె బరువు మోయగా....
ఓ మిత్రుడే నా చివరి మలుపు నిప్పుని రాజేయగా.....
ఆ అందాల కడలి అలల్నే నా కలలు చేరగా.....
నా ఆద్యంతం అణువణువై అందరి మది చేరనా......
కనీసం వత్సరానికి ఒక మారు మీ మాటల పాటల్లో వినబడనా.........