సుధా సరాగం....

కడతేరని నా కలల వైభోగం
నిజజీవితపు ప్రతి మలుపులో అది నిరుపయోగం
సాగని తలంపుల నా ప్రేమ విహంగం
తనకై ఎదురుచూస్తూ పాడుతూనే ఉంటుంది ఈ సుధా సరాగం....

మరుపురాని కలల సంద్రాన నావ సుధ సంపదలతో వస్తుందనుకున్నా
అలల ముద్దాడు చిరుగాలుల కొంతసేపు రెపరెపమని నవ్వె నా నావ తెరచాప
కాలం కలిసొచ్చి అంతా సవ్యంగాసాగుంటే చేరేది ఆనంద తీరాన
కాని శిథిలమైన ప్రేమ సుడిగుండాల చేతచిక్కి
విసిగివేసారి ఒరిగింది నా నావ ఓ పక్కన ఏదో దిక్కున.........

చెంత చేరు సమయాన చేతకానివాడిల చేజార్చుకున్నా
వేచిచూడు సమయాన వేదనతో వదులుకున్నా ....
గతించని స్మృతుల వేగానికి తలొంచుకు నిలబడుతున్నా
జీవం చచ్చిన ప్రేమకి ప్రాణం పోసే సుధనే వరమడుగుతున్నా...

గతి లేని యుద్ధంలో..........

గతి లేని యుద్ధంలో మతి లేని యోధుడినై
కానరాని గమ్యంతో కలిసిరాని కాలంలో
ఒంటరిగా మిగిలి పోరాడుతున్నా.........
కవచాలే ఊడుతున్నా కత్తులే గుచ్చుకుంటున్నా
కండలే తెగుతున్నా రెండు కళ్ళూ వాలుతున్నా
మరణం మాసిపోని నిజమై తరుముతూ పలకరిస్తున్నా
చివరి మజిలీ చేరే వరకు ఈ పోరు ఆగదు
ఏదేమైనా నా జీవన రాజ్యాన రాజునూ నేనే...
ఆ నీలి గగనంలో మెరిసేటి నెలరాజునూ నేనే...

జాతస్యహిధృవోమృత్యుహు ధృవంజన్మమృతస్యచ |
తస్మాదపరిహార్యార్థే నత్వం శోచితుమర్హసి ||