సుధా సరాగం....

కడతేరని నా కలల వైభోగం
నిజజీవితపు ప్రతి మలుపులో అది నిరుపయోగం
సాగని తలంపుల నా ప్రేమ విహంగం
తనకై ఎదురుచూస్తూ పాడుతూనే ఉంటుంది ఈ సుధా సరాగం....

మరుపురాని కలల సంద్రాన నావ సుధ సంపదలతో వస్తుందనుకున్నా
అలల ముద్దాడు చిరుగాలుల కొంతసేపు రెపరెపమని నవ్వె నా నావ తెరచాప
కాలం కలిసొచ్చి అంతా సవ్యంగాసాగుంటే చేరేది ఆనంద తీరాన
కాని శిథిలమైన ప్రేమ సుడిగుండాల చేతచిక్కి
విసిగివేసారి ఒరిగింది నా నావ ఓ పక్కన ఏదో దిక్కున.........

చెంత చేరు సమయాన చేతకానివాడిల చేజార్చుకున్నా
వేచిచూడు సమయాన వేదనతో వదులుకున్నా ....
గతించని స్మృతుల వేగానికి తలొంచుకు నిలబడుతున్నా
జీవం చచ్చిన ప్రేమకి ప్రాణం పోసే సుధనే వరమడుగుతున్నా...